Timothy Emlyn Jones, John Chris Jones ac Andrew Knight

Dydd Iau 22 Chwefror 2007, 6yh
Space Workshop, Cardiff School of Art and Design

Ym 1977 trefnodd Cyngor Celfyddydau Cymru arddangosfa wythnos o hyd oedd yn cynnwys celfyddyd perfformio ryngwladol yn yr Eisteddfod Genedlaethol yn Wrecsam. Cafodd y digwyddiad, oedd â'r teitl Fel y darfu'r gorffennol - fel y del y dyfodol, ei guradu o dan faner y Free International University gan Caroline Tisdall, oedd ar y pryd yn feirniad celf y Guardian, Timothy Emlyn Jones ac Andrew Knight (CCC), ac ymysg yr arddangoswyr oedd Joseph Beuys, Mario a Merisa Merz, Jannis Kounellis, Brian O'Doherty/Patrick Ireland, Rose Finn-Kelcey, Tina Keane, Nigel Rolfe, John Chris Jones a Timothy Emlyn Jones (ac eraill). Roedd ymateb y wasg gyhoeddus yn rhagweladwy, gan iddynt gondemnio'r fenter fel 'gwastraff arswydus o arian cyhoeddus', a gofynnwyd cwestiynau i Ysgrifennydd Cymru am y mater.

Daeth y digwyddiad hefyd yn adnabyddus oherwydd yr artist Cymreig lleol Paul Davies. Ystyrir bod ei ymyriadau (answyddogol) a grëwyd yn yr Eisteddfod yn 'gychwyn ar gelfyddyd wleidyddol Gymreig gyfoes hunanymwybodol' (Shelagh Hourahane).

Ffoto © Phil Babot

Timothy Emlyn Jones yw Deon Coleg Celf Burren. Yn wreiddiol roedd yn artist perfformio, yn arddangos gyda Beuys, Stuart Brisley a John Latham, ond mae ei waith diweddar wedi canolbwyntio ar ddarlunio perfformiadol fel proses o ymholi. Mae'n arddangos yn rhyngwladol ac wedi'i gynnwys mewn casgliadau cyhoeddus mewn nifer o wledydd. Bu John Chris Jones yn arloeswr ym maes dylunio systemau ac ymchwil dyfodolion. Ystyrir ei lyfr Design Methods yn arf cyfeiriol safonol i ddylunwyr. Mae ei agwedd at ysgrifennu a chyhoeddi yn hynod o berfformiadol, gan iddo ddefnyddio yn aml dulliau cyfansoddi ar hap. Dros y blynyddoedd diwethaf mae wedi archwilio ysgrifennu ar y we fyd-eang, gan ddyfeisio i bob pwrpas yr hyn a elwir bellach yn flog ar y we (softopia.demon.co.uk). Mae Andrew Knight yn rheolwr a strategydd celf cyhoeddus ac mae ei fywyd proffesiynol yn canolbwyntio ar gyswllt y cyhoedd â diwylliant cyfoes yn ei amryfal ffurfiau, ond gyda phwyslais arbennig ar y celfyddydau gweledol. Y mae'n gyn-gadeirydd ar y Fforwm Celf Cyhoeddus a gweithiodd i AIR and SPACE, yr ICA, Cyngor Celfyddydau Cymru ac i awdurdodau lleol.

T.E.Jones, ‘Wrecsam Triad’, Eisteddfod Wrecsam1977. © T.E.Jones

Sgwrsiodd John Chris Jones, Timothy Emlyn Jones ac Andrew Knight am eu cyfraniad i'r rhaglen berfformio ryngwladol yn Eisteddfod Genedlaethol Wrecsam ym 1977.