|
Transcript summary: cliciwch yma Fideo: J.C.Jones, T.E.Jones ac Andrew
Knight yn sgwrsio efo Heike Roms, 22 Chwefror 2007 (rhan yn unig)
Eleni, hefyd, mewn cydweithrediad â Chyngor Celfyddydau Cymru, ‘rydym yn cyflwyno rhywbeth sy’n hollol newydd ar faes yr Eisteddfod – Celfyddydau Berfformiadol. Yn yr ail bafiliwn fe gynigiwn daith drwy amser a thrwy’r byd Celtaidd gyda golwg newydd ar yr etifeddiaeth Geltaidd mewn ffordd sydd heb fod yn hollol draddodiadol: fe fydd yno arddangosfa o ddelweddau a phrintiadau a phob diwrnod fe fydd gwahanol arlunwyr yn datgan eu neges, nid trwy arlunio a cherflunio, ond trwy berfformio er mwyn ysgogi trafodaeth a sgwrs gyda’r gynulleidfa. Disgwyliwn I hyn fod yn un o’r digwyddiadau mwyaf cyffrous ym myd celfyddyd yn y blynyddoedd diweddar yng Nghymru. (Eisteddfod Genedlaethol Frenhinol Cymru (1977)
|
Timothy Emlyn Jones, John Chris Jones ac Andrew KnightDydd Iau 22 Chwefror 2007 Ym 1977 trefnodd Cyngor Celfyddydau Cymru arddangosfa wythnos o hyd oedd yn cynnwys celfyddyd perfformio ryngwladol yn yr Eisteddfod Genedlaethol yn Wrecsam. Cafodd y digwyddiad ei guradu o dan faner y Free International University gan Caroline Tisdall, oedd ar y pryd yn feirniad celf y Guardian, ac ymysg yr arddangoswyr oedd Joseph Beuys, Mario a Merisa Merz, Jannis Kounellis, Brian O'Doherty/Patrick Ireland, Rose Finn-Kelcey, Tina Keane, Nigel Rolfe, John Chris Jones a Timothy Emlyn Jones. Roedd ymateb y wasg gyhoeddus yn rhagweladwy, gan iddynt gondemnio'r fenter fel 'gwastraff arswydus o arian cyhoeddus', a gofynnwyd cwestiynau i Ysgrifennydd Cymru am y mater. Daeth y digwyddiad hefyd yn adnabyddus oherwydd ymyriadau (answyddogol) gan yr artist Cymreig lleol Paul Davies. Ystyrir bod ei weithgareddau Welsh Not a Spiral Gag a grëwyd yn yr Eisteddfod yn 'gychwyn ar gelfyddyd wleidyddol Gymreig gyfoes hunanymwybodol' (Shelagh Hourahane).
Roedd Timothy Emlyn Jones, John Chris Jones ac Andrew Knight yn sgwrsio am eu cyfraniad i'r rhaglen berfformio ryngwladol yn Eisteddfod Genedlaethol Wrecsam ym 1977.
Timothy Emlyn Jones yw Deon Coleg Celf Burren. Yn wreiddiol roedd yn artist perfformio, yn arddangos gyda Beuys, Stuart Brisley a John Latham, ond mae ei waith diweddar wedi canolbwyntio ar ystyried darlunio perfformiadol fel proses o ymholi. Mae'n arddangos yn rhyngwladol ac wedi'i gynnwys mewn casgliadau cyhoeddus mewn nifer o wledydd. Bu John Chris Jones yn arloeswr ym maes dylunio systemau ac ymchwil dyfodolion. Ystyrir ei lyfr Design Methods yn arf cyfeiriol safonol i ddylunwyr. Mae ei agwedd at ysgrifennu a chyhoeddi yn hynod o berfformiadol, gan iddo ddefnyddio yn aml dulliau cyfansoddi ar hap. Dros y blynyddoedd diwethaf mae wedi archwilio ysgrifennu ar y we fyd-eang (softopia.demon.co.uk). Mae Andrew Knightyn rheolwr a strategydd celf cyhoeddus ac mae ei fywyd proffesiynol yn canolbwyntio ar gyswllt y cyhoedd â diwylliant cyfoes yn ei amryfal ffurfiau, ond gyda phwyslais arbennig ar y celfyddydau gweledol. Y mae’n gyn-gadeirydd ar y Public Art Forum (Fforwm Celf Cyhoeddus) a gweithiodd i AIR and SPACE, yr ICA, Cyngor Celfyddydau Cymru ac i awdurdodau lleol. |
